العمل الخليجي الأبرز فى دراما رمضان
النجم أحمد عبد المجيد: سعيد بمشاركة نجوم الخليج فى مسلسل ”الغميضة ”
"واثق الخطوة يمشي ملكا " هذا المثل ينطبق على النجم أحمد عبد المجيد صاحب الخطوات الثابتة والأدوار الهادفة التى يختارها بعناية لتسليم فى توعيه المجتمع خاصة الشباب، وخلال رمضان الحالي يشارك عبد المجيد نجوم الخليج فى مسلسل"الغميضة " ، وهو ما يمثل له تحدى جديد خاصة ان تلك المشاركة جعلت المشاهد المصرى حريص على متابعة المسلسل الذى ينافس بقوة باعتباره من اقوى الأعمال الخليجية فى السباق الرمضاني.
ومن هنا كان هذا الحوار الشيق مع نجم جديد من نجوم الدراما والسينما المصرية .
في البداية حدثنا عن تفاصيل مشاركتك في مسلسل "الغميضة" وما اليبب الذى إيه شجعك للمشاركة فى العمل؟
الحقيقة «العَميضة» مشروع مختلف من كل النواحي، سواء على مستوى الفكرة أو الإنتاج أو فريق العمل. أول ما عرض عليّ الدور حسّيت إنه عمل تقيل وفيه تحدي حقيقي، خصوصًا إنه إنتاج ضخم لشبكة MBC، وهذا في حد ذاته مسؤولية كبيرة وأي ممثل يتمنى ان يكون جزء من مشروع بهذا الحجم .
ماهو الدور الذى تقوم بتجسيده في المسلسل؟ وهل نقدر نعرف تفاصيل أكتر؟
"اللي أقدر أقوله إن الدور محوري ومؤثر في خط الأحداث، وشخصية ليها أبعاد إنسانية ونفسية واضحة، بس من غير حرق. الشخصية مكتوبة بحرفية عالية، وده اللي شدّني ليها، لأن المشاهد هيشوف تطور واضح مع الحلقات المقبلة.
المسلسل يجمعك بنجوم من الخليج ، كيف كانت التجربة؟ وهل استفدت منها؟
التجربة كانت ثرية جدًا. نجوم الخليج عندهم التزام عالي جدًا واحترام للتفاصيل، والتعامل معاهم كان ممتع ومفيد. استفدت من اختلاف المدارس التمثيلية، ومن طريقة اشتغالهم الجماعي، وده بيضيف لأي ممثل وبيوسع أفقه.
ماهو تعليقك على العمل مع المخرج أحمد صلاح سوني؟
أحمد صلاح سوني مخرج محترف جدًا، وبيشتغل بعين دقيقة وواعية. هو من الناس اللي بتفهم الممثل وبتدي له مساحة يطلع أفضل ما عنده. اتعلمت منه كتير على مستوى الإحساس بالكادر، والصدق في الأداء، وطريقة بناء المشهد. الحقيقة وجوده قيمة كبيرة للعمل، وبحترم شغله جدًا.
المسلسل من إخراج علي العلى كيف ترى رؤيته للعمل ؟
علي العلي مخرج صاحب رؤية واضحة، وعارف هو عايز إيه من كل مشهد. العمل معاه منظم واحترافي، وده بيخلّي الممثل يشتغل وهو مطمّن إن كل عنصر في مكانه الصح.
فى الثلاث سنوات الأخيرة شاركت فى العديد من الأعمال التى كشفت عن موهبتك كونان يحترم فنه ويحترم عقليه المشاهدين حدثنا عنها ؟
في 2023 شاركت في مسلسل «ستهم»، وكان عمل مهم وقدّمت فيه شخصية مختلفة ومؤثرة.
وفي 2024 واصلت اشتغالي في الدراما بأدوار متنوعة ركّزت فيها على الاختلاف وعدم التكرار، وده كان اختياري الأساسي.
أما 2025 فكان من أبرز الأعمال مسلسل «أهل الخطايا»، واللي اعتبره محطة مهمة جدًا في مشواري، لأن الدور كان تقيل وفيه تحدي كبير.
يبدو أنك بتميل للأدوار الصعبة وهذا يتضح في أعمال الأكشن التى تقوم بها ، ماذا عن تجربتك في إخراج المعارك والأكشن؟
الأكشن مش مجرد حركة، الأكشن دراما قبل أي حاجة. اشتغلت على إخراج وتنفيذ مشاهد معارك في بعض الأعمال، وده محتاج فهم للشخصية وللسيناريو، مش بس قوة جسدية. بحب يكون الأكشن له مبرر درامي، ويخدم القصة، وده اللي دايمًا بحاول أقدّمه.
ماهى أهم تلك التجارب من وحده نظرك ؟
الأكشن من الأنواع اللي بحبها جدًا، بس لازم يتقدّم بشكل مدروس مش مجرد حركة. شاركت في أعمال فيها أكشن حقيقي مبني على الدراما، واشتغلت على نفسي بدنيًا ونفسيًا عشان تكون الشخصيات مقنعة. النوع ده متعب بس ممتع جدًا.
ما الذى جذبك لعالم التمثيل ومتى بدأت العمل بشكل احترافي؟
ج: من سنين طويلة، واشتغلت على نفسي خطوة خطوة. دخلت المجال بإيمان إن التمثيل مهنة محتاجة تعب واستمرارية، والحمد لله أنا عضو في نقابة المهن التمثيلية، وده شرف ومسؤولية كبيرة.
كيف ترى مكانة مصر فنيًا في الوطن العربي؟
مصر دايمًا كانت وستفضل قلب الفنون في الوطن العربي، سواء دراما أو سينما. عندنا تاريخ، وعندنا مدارس تمثيل قوية، وصنّاع فن حقيقيين. أي تجربة عربية مشتركة بتبقى قوية لما يكون فيها تواجد مصري، وده شيء بنفخر بيه.
في النهاية ماذا تقول للجمهور؟
أحب أطمن الجمهور إن «العَميضة» عمل معمول بحب واحترام للمشاهد، وإن شاء الله يكون على قد التوقعات. وبشكر كل حد داعم ومتابع، لأن الدعم ده هو اللي بيخلينا نكمّل.
.jpeg "ترومبيل")
